Kryeministri Edi Rama ka firmosur një marrëveshje bashkëpunimi me kompaninë italiane Fincantieri, duke hapur rrugën për një sipërmarrje të përbashkët në industrinë ushtarake, konkretisht në fushën e ndërtimit të mjeteve detare.
Në një postim në Facebook, Rama ka ndarë pamje nga ceremonia ku u nënshkrua edhe kalimi zyrtar i anijes patrulluese “Libra” në përdorim të Forcës Detare Shqiptare.
“Marrëveshja parashikon fillimin e bashkëpunimit mes kompanisë italiane Fincantieri dhe asaj shqiptare ‘KAYO’ për ngritjen e një sipërmarrjeje të përbashkët në industrinë ushtarake detare, si dhe nënshkrimin e Letrës së Qëllimit për dorëzimin e anijes ushtarake ‘Libra’ për përdorim nga Forca Detare e Shqipërisë”, është shprehur Rama.
