Që prej mbrëmjes së së dielës, në gjithë Shqipërinë vijon procesi i numërimit të votave të 11 majit. Në çdo KZAZ, numëruesit dhe vëzhguesit e forcave politike po ndjekin nga afër çdo hap të këtij procesi, duke mbrojtur çdo votë të qytetarëve.
Ndërkohë që numërimi i votave për partitë ka përfunduar, puna vazhdon ende për renditjen e kandidatëve. Me kalimin e orëve, lodhja dhe uria kanë filluar të lënë gjurmë tek numëruesit, të cilët denoncojnë se janë lënë pa ushqim dhe pa ujë për më shumë se 36 orë.
Sipas disa mesazheve të publikuara nga JOQ, disa numërues në Elbasan i janë drejtuar me ankesa drejtuesve lokalë të partive, duke kërkuar ndihmë për nevojat bazë.
Pas këtyre ankesave, disa përfaqësues të opozitës kanë reaguar. Demokratët kanë dërguar një koli me ujë dhe 20 molto, ndërsa deputeti Aurel Bylykbashi mësohet se ka shpërndarë nga dy byrekë për çdo numërues.
