Kryetari i Partisë Demokratike, Sali Berisha, pritet të dalë sot në orën 13:30 në një deklaratë për mediat nga selia blu. Konferenca do të mbahet në sallën “Azem Hajdari” dhe vjen në një moment kritik për opozitën, e cila po përjeton një tjetër humbje të rëndë në zgjedhjet vendore të 11 majit.
Të dhënat e deritanishme nga Komisioni Qendror i Zgjedhjeve flasin për një epërsi të qartë të Partisë Socialiste. Deri më tani janë numëruar 2,192 nga 5,225 qendra votimi dhe PS ka siguruar 52.55% të votave (299,369 vota), ndërsa PD është renditur shumë pas me vetëm 34.27% (195,209 vota).
Kjo është një tjetër goditje për Berishën, i cili vazhdon të udhëheqë një parti të përçarë dhe të dobësuar përballë mazhorancës.
