Pas një rezultati zhgënjyes për opozitën në zgjedhjet e fundit, Evi Kokalari ka reaguar ashpër në një postim në Facebook, duke akuzuar drejtpërdrejt Sali Berishën për humbjen.
Në një ton kritik dhe të drejtpërdrejtë, Kokalari thekson se faji nuk qëndron tek manipulimet e Edi Ramës, por tek mënyra se si është udhëhequr Partia Demokratike.
“Dështim elektorale! Sali Berisha nuk humbe se të vodhi vota Rama. Humbe se vodhe ti demokratët nga meritokracia dhe turp që re 13% nga zgjedhjet e 2021!”, shkruan ajo, duke shtuar se “nuk ka LaCivita që të shpëton”.
Kokalari thekson se që nga 2021, Berisha nuk ishte më shpresa e demokratëve, por sipas saj, ishte vetë ajo që përfaqësonte alternativën e re. Reagimi i saj vjen në një moment të ndjeshëm për opozitën, duke ngritur pikëpyetje mbi drejtimin e PD-së dhe nevojën për reflektim të thellë pas humbjes së përsëritur elektorale.
Postimi përfundon me një paralajmërim: “To be continued…”, duke lënë të kuptohet se Kokalari do të vazhdojë me zhvillime të tjera në qëndrimet e saj publike.
