Kandidati i Partisë Demokratike në qarkun e Dibrës, Xhelal Mziu, ka lënë të kuptohet se gara për mandatin e tretë është thuajse e humbur. Në një deklaratë për ‘Top Channel’, Mziu pranoi se për shkak të zhvillimeve të fundit, shanset për të siguruar mandatin e tretë janë minimale.
“Ishim të përgatitur për rezultatin që prisnim në kushte normale, por gjatë tre-katër ditëve të fundit jemi përballur me automjete të shumta të panjohura nëpër lagje, çka rrezikon vullnetin e votuesve. Po përpiqemi t’i ndalim, por me këtë ritëm është e vështirë të arrijmë mandatin e tretë,” u shpreh Mziu.
Sipas të dhënave të fundit, Partia Demokratike në qarkun e Dibrës ka marrë 10,995 vota, ndërsa Partia Socialiste është në epërsi me 16,696 vota.