Mësohet se këngëtari ka ndërruar jetë gjatë një koncerti në Bolonja, Itali. Burime të afërta bëjnë të ditur se 38-vjeçari është ndier keq gjatë performancës dhe pak më vonë ka humbur jetën. Dyshohet se një atak kardiak mund të ketë qenë shkaku, megjithëse nuk raportohej të kishte pasur më parë probleme kardiake.
Lajmi ka tronditur publikun shqiptar, pasi për më shumë se 20 vjet Shpat Kasapi ka qenë një nga figurat më të dashura të muzikës moderne shqiptare. I lindur më 1 maj 1985 në Tetovë, me origjinë nga Dibra dhe i rritur në një familje me traditë muzikore, ai u ngjit në skenë në fillim të viteve 2000. Shpejt fitoi famë me ritmet e tij moderne dhe energjinë karakteristike në performancë. Hitet si “A më do?”, “Valle Kosovare”, “Dashni pa limit” dhe “Aroma e saj” e shndërruan në një prej ikonave të muzikës shqiptare.
