Presidenti i Ukrainës, Volodymyr Zelensky, ka uruar kryeministrin Edi Rama dhe Partinë Socialiste për rezultatin e zgjedhjeve parlamentare të 11 majit.
“Urime për Edi Ramën dhe Partinë Socialiste për fitoren mbresëlënëse në zgjedhje. Ju uroj suksese në vijim në shërbim të qytetarëve shqiptarë”, shkruan Zelensky në një postim në rrjetin social X.
Ai ka theksuar gjithashtu mirënjohjen për qëndrimin e Shqipërisë ndaj luftës në Ukrainë: “E vlerësojmë shumë pozicionin tuaj të qartë dhe të palëkundur në mbështetje të një paqeje të qëndrueshme, që mund të arrihet vetëm përmes një armëpushimi të plotë dhe pa kushte.”
Në fund të mesazhit, kreu i shtetit ukrainas shton: “Pres me padurim të forcojmë edhe më tej marrëdhëniet miqësore mes vendeve tona, për të mirën e dy popujve tanë.”
