Procesi i numërimit të votave të ardhura nga diaspora po vijon në ambientet e Parkut Olimpik në Tiranë. Deri më tani janë hapur 47,382 zarfe nga gjithsej 194,889 të mbërritura.
Sipas të dhënave të publikuara nga Komisioni Qendror i Zgjedhjeve, Partia Socialiste kryeson me 25,540 vota, ndërsa Partia Demokratike renditet e dyta me 13,537 vota.
Koalicioni “Nisma Shqipëria Bëhet” ka marrë deri më tani 3,929 vota, ndërsa Lëvizja Bashkë ka grumbulluar 1,219. Partia Mundësia rezulton me 1,530 vota dhe Partia Social Demokrate me 476 vota.
