Pas rezultatit pozitiv në zgjedhjet e 11 majit, kryeministri Edi Rama është shfaqur për herë të parë publikisht nga “Shtëpia e Evropës” në sheshin Skënderbej – ku më 16 maj do të mbahet Samiti i Komunitetit Politik Evropian.
Përmes një videoje të shpërndarë në rrjetet sociale, Rama shihet duke inspektuar punimet e fundit në objektin që do të presë liderët më të rëndësishëm të kontinentit. Fasada e përkohshme është mbuluar me vizatime nga fëmijët shqiptarë, duke krijuar një atmosferë simbolike për mikpritjen.
Kryeministri e ka cilësuar këtë samit si një ngjarje të jashtëzakonshme për Shqipërinë, një vlerësim i madh që e vendos vendin në qendër të vëmendjes evropiane.
