Kryetari i Bashkisë së Tiranës, Erion Veliaj, ka ndarë një moment të veçantë familjar me ndjekësit e tij në rrjetet sociale. Ai ka uruar mirëseardhjen në jetë të mbesës së tij, Avril, duke shprehur emocionet dhe dashurinë që ndjen për të voglën.
“Mirë se erdhe në botë, mbeska ime Avril! Xhaxhi Eri është kapluar nga dashuria për ty që tani,” shkruan Veliaj. Ai shpreh gëzimin për prindërit e saj, Anën dhe Arbin, si dhe për gjithë familjarët që e kanë pritur me padurim ardhjen e saj.
Një përshëndetje e veçantë ka shkuar edhe për nënën e tij, Shqipen, e cila, pas 72 ditësh të vështira dhe të dhimbshme pas arrestimit të Veliajt pa një proces gjyqësor, më në fund ka mundur të përjetojë një çast lumturie.
