Gjykata e Posaçme ka dhënë vendimet për çështjen penale që lidhet me inceneratorin e Tiranës, ku janë përfshirë ish-zyrtarë dhe përfaqësues të biznesit.
Lefter Koka, ish-ministër i Mjedisit, u dënua me 3 vite burg, të cilat u reduktuan në 2 vite për shkak të gjykimit të shkurtuar. Megjithatë, kjo periudhë konsiderohet e përfunduar për shkak të kohës së kaluar në paraburgim. Ai nuk do të lirohet, pasi vijon të hetohet për çështje të tjera të inceneratorëve.
Me të njëjtën masë dënimi – 2 vite burg – janë ndëshkuar edhe Bledar Karoli, Erjon Murataj, Namik Simixhiu dhe Valbona Ballgjini. Në rastin e Ballgjinit, dënimi do të zbatohet me shërbim prove.
Jetmir Llapaj është i vetmi nga të pandehurit që është shpallur i pafajshëm nga GJKKO.
Gjithashtu, një tjetër i dënuar në këtë çështje është Taulant Tusha, ish-drejtor i Punëve Publike në Bashkinë e Tiranës, i cili është dënuar me 2 vite burg.
