Rei Manaj në radarët e Borussia Mönchengladbach – Klubi gjerman ndjek sulmuesin e Kombëtares
Rei Manaj është një nga emrat që i është sugjeruar drejtuesve të Borussia Mönchengladbach, sipas raportimeve nga “Transfermarkt” në Turqi.
Sulmuesi 28-vjeçar ka një kontratë aktive me Sivasspor deri në fund të sezonit të ardhshëm, ndërsa klauzola për prishjen e saj është rreth 4 milionë euro – një shumë e përballueshme për klubin gjerman.
Borussia Mönchengladbach është në kërkim të një sulmuesi për të forcuar repartin ofensiv, dhe Manaj shihet si një opsion i vlefshëm. Ai ka qenë lojtari kryesor i Sivasspor në dy sezonet e fundit, ku ka spikatur me 10 gola dhe 5 asistime këtë sezon, ndërsa në total ka shënuar 32 herë për klubin turk.
Në kampionatin gjerman, Mönchengladbach aktualisht renditet në vendin e gjashtë, vetëm dy pikë larg zonës që siguron pjesëmarrjen në Champions League – dhe përforcimi në sulm është një prioritet.
