Ministri i Shtetit për Marrëdhëniet me Parlamentin dhe drejtuesi politik i PS për Diasporën, Taulant Balla, ka reaguar mbi situatën e krijuar nga përmbytjet në ishujt Paros dhe Mykonos në Greqi.
Në një postim në rrjetet sociale, Balla theksoi se qeveria shqiptare po monitoron me kujdes situatën dhe është në kontakt të vazhdueshëm me komunitetin shqiptar të prekur nga reshjet e mëdha.
Ai shtoi se autoritetet greke dhe bashkitë lokale po marrin masat e nevojshme për të ofruar ndihmë dhe siguri për banorët.
Gjithashtu, ministri u bëri thirrje bashkatdhetarëve që të ndjekin njoftimet e Ambasadës Shqiptare në Athinë dhe të kontaktojnë institucionet për çdo nevojë apo asistencë.
