Sot, Presidenti i Republikës, Bajram Begaj, përmes një postimi në “Facebook”, përkujtoi 16-vjetorin e anëtarësimit të Shqipërisë në NATO.
“Shqipëria shënon sot 16 vite si pjesë e NATO-s, aleancës më të suksesshme të mbrojtjes kolektive. Gjatë këtyre viteve, vendi ynë ka dëshmuar përkushtim dhe ka kontribuar aktivisht në misionet e aleancës,” shkruan Begaj.
Ai theksoi gjithashtu se Shqipëria do të vijojë të mbështesë dhe të forcojë aleancën euro-atlantike, duke punuar për një NATO më të fuqishme, të bashkuar dhe solidare.
Që nga viti 2009, kur u bë anëtare, Shqipëria ka luajtur një rol aktiv në operacionet e NATO-s, duke konfirmuar angazhimin e saj për sigurinë dhe stabilitetin global.
